Հուլիս ամսին աշխատել եմ Էմմա Տերտերյանի հետ ՝ 2-4 տարեկանների զարգացման խմբում։ Պարտեզում օրս սկսվում է 9.15 առավոտյան նախավարժանքով, երգով, պարով, երեխաների կազմակերպած խաղերով։ Այնուհետև նախաճաշում ենք և ընկեր Էմմայի հետ հետաքրքիր նախագծեր ենք իրականացնում։ Հուլիս ամսվա ընթացքում ծննդյան տարբերվող ծեսեր նշեցինք։ Ընկեր Էմմայի հետ աշխատելը շատ հաճելի և ուսուցանող էր: Ամենօրյա հետաքրքիր նախագծեր է կազմակերպում և իրագործում։ Մանկապարտեզում օրս ավարտվում է 17։00-ին, սակայն չեմ շտապում տուն գնալ, որովհետև մթնոլորտը շատ հաճելի է։ Ինձ համար նախակրթարանում աշխատելը կրթություն է:
Ճամբարում մեր օրը սկսում ենք առավոտյան մարզվելով հետո նախաճաշում, լողում, բոլորիս կողմից սիրված բակային խաղեր խաղում, ճաշում, հետաքրքիր գործունեություններ և փորձեր անում նաև ունենք անգլերենի դասընթաց, որին երեխաները շատ սիրով և ոգևորվածությամբ են սպասում։ Նշեմ նաև՝ որ երեխաների օրվա մեծ մասը գերակշռում է բոլորի ամենասիրելի լողը, ջրային խաղերը։ Այա օրերի ընթացքում այցելեցինք նաև Ագարակ ձիավարության։ Դե ինչպես ամեն ագարակ այցելելուց եմ ասում հաջորդ անգամ ես էլ կփորձեմ այս անգամ ևս բացառություն չեղավ։
Եթե կարող ենք խաղալ ջրային խաղեր, ցեխով խաղալ նույնպես հնարավոր է։ Երեխաների ամենասիրելի զբաղմունքներից է ցեխերով խաղը։ Այս օրն էլ անվանենք ցեխաթերապիա։
Բարի գալո՜ւստ մանուկների գունեղ ու հրճվանքով լեցուն աշխարհ:Արի՛ ու վայելի՛ր մեզ հետ քո մանկության զարմանահրաշ ու խենթ ամառը, լցրու՛ այն քո երանգով, լույսով, ժպիտով...
Երեխաների սիրելի միրգը՝ խնձորը, որը ուտում են նախաճաշելիս որոշեցին վերածել խաղի և խաղի միջոցով համտեսել սիրելի միրգը։ Երեխաների ոգևորությունը շատ մեծ էր, որը վերածվեց զվարճանքի։
