23 » December » 2020 » Սաթեն Գևորգյան

Նախատոնական ճամփորդություն դեպի Էջմիածին

Այսօր արթնացա մի փոքր շուտ, չնայած նրան, որ գիշերը ուշ էի քնել։Դե անհամբեր էի, սպասում էի թե երբ պետք է լուսանա, որ ընկերներիս հետ գնանք էքսկուրսիա։ Այդպես է, չէ՞, անհամբեր ես։ Լուսաբացը դիմավորեցի զարթուցիչիս ձայնին զուգահեռ։ Օրս սկսեցի մեկ բաժակ սուրճով։ Զգում էի, որ այս առավոտը տարբերվում էր մնացած առավոտներից, դե մոտեցա պատուհանագոգին ու ահա գեղեցիկ փաթիլները խճանկարային պատկեր էին հավաքել պատուհանիս։ Հը՜մ, մտածեցի, որ ձյունը լավ պատրվակ է՝ ձնագնդիկ խաղալու համար ու մտածելով սկսեցի պատրաստվել։ Դե, հագնվեցի տաք ու ինձ հետ վերցրի թերմոս՝ տաք թեյով, ի դեպ, այն մոռացա քոլեջում։ Ինքս ինձ հետ խոսելով՝ առաջ շարջվեցի։ Ահա հասանք։ Բակում հավաքվել էին արդեն 1-2 և 1-3 կուրսերը, ուրախ տրամադրություն էր։ Դասախոսներից մեզ հետ էին ընկեր Դիանան, ընկեր Մարիամը և ընկեր Ելենան։ Վերջապես շարժվեցինք։ Ինչպես միշտ, մեկը ուշացավ և այդ մեկը եղավ Լիանան։ Ու հենց այդ 《ուրախ ավտոբուսով》հասանք Էջմիածնի հրապարակ։ Դե, իմ պատկերացումները տեղին էին, առաջին բանը, որ արեցինք դա ձնագնդիկ խաղալն էր։ Երևի հիշում եք Լիանային, նրան բերեց իր հայրիկը։ Դե, բարի գալուստ 《գժանոց》։ Խառնաշփոթ էր, բոլորս խաղում էինք, նկարվում, իսկ այն ուսանողները, ովքեր ունեին նախագիծ Էջմիածնի վերաբերյալ, հենց այդ տեղ էլ նկարեցին իրենց տեսաերիզները։Շարժվում ենք առաջ դեպի Ս. Գայանե։ Օրը ավելի ու ավելի էր հետաքրքրանում։ Մենք՝ բոլորս, աղոթեցինք մեր զինվորների, վիրավորների ապաքինման, գերիների հետ վերադարձի և մեր զոհված հերոսների վառ հիշատակի համար։ Մի փոքր ցրվենք։ Մի փոքր տուր եկեղեցու տարածքում, շարժվում ենք դեպի Մհեր Աբեղյանի պատկերասրահ, որտեղ էլ ծանոթացանք Եղիշե Թադևոսյանի և Մհեր Աբեղյանի՝ հայ այս անվանի նկարիչների ստեղծագործությունների հետ։ Մոռացա նշեմ, որ Էջմիածնի հրապարակով պտտվեցինք և տեսանք եկեղեցիների մակետներ։ Օրը վերջացավ ընկերական հացկերույթով։ Գնում ենք քոլեջ։ Երբ հասանք բակ, մեզ սպասում էին զինված ուսանողներից մի քանիսը. ձնագնդիկը շարունակվեց մինչև տուն։ Շնորհակալություն այս գեղեցիկ օրվա համար։❄☃️🤍